Ռուսաստանի անունը չկա Թրամփի ցուցակում

ԱՄՆ նախագահ Դոնալդ Թրամփը հայտարարել է այլ երկրների ապրանքների համար նոր մաքսատուրքեր սահմանելու մասին։

Այսպիսով, ԱՄՆ-ն սահմանել է մաքսատուրք՝

ԵՄ-ից ապրանքների համար՝ 20%;

ՉԺՀ - 34%;

Թայվան - 32%;

Հարավային Կորեա - 25%;

Հնդկաստան՝ 26%։

Եվ նաև մարդատար ավտոմեքենաների, թեթև բեռնատարների և ավտոպահեստամասերի վրա՝ 25%-ի չափով։

Բացի այդ, ԱՄՆ-ը կսահմանի նվազագույն տասը տոկոս հիմնական մաքսատուրք այլ երկրներից, այդ թվում՝ Ուկրաինայից, ներմուծման համար։

Սակայն Ռուսաստանը չկա այն երկրների ցանկում, որոնց նկատմամբ կկիրառվեն այդ միջոցները։

Թրամփը պարզաբանել է, որ Վաշինգտոնն ամբողջությամբ չի սահմանի մաքսատուրքերը, այլ կսահմանափակվի այլ երկրների կողմից կիրառվող սակագների մոտավորապես կեսով։

ԱՄՆ-ն արդեն 25 տոկոս մաքսատուրքեր է սահմանել Մեքսիկայից և Կանադայից ներմուծվող ապրանքների վրա։ Այս նույն գործիքները կիրառվել են նաև Չինաստանից եկած ապրանքների նկատմամբ՝ բարձրացնելով դրանց դրույքաչափը մինչև 20 տոկոս։ Վաշինգտոնը նման միջոցները բացատրել է անօրինական միգրացիայի դեմ պայքարով և ֆենտանիլի մատակարարմամբ։

Բացի այդ, Միացյալ Նահանգները մաքսատուրքեր է սահմանել Եվրամիության ապրանքների վրա, ինչպես նաև մտադիր է փոխադարձ միջոցներ ձեռնարկել այն երկրների դեմ, որոնց մաքսատուրքերը ամերիկյան ապրանքների վրա ավելի բարձր են, քան հակառակը։ Օտտավան և Պեկինը արդեն հայտարարել են պատասխան քայլերի մասին, և ԵՄ-ն նույնպես խոստացել է դրանք ձեռնարկել ապրիլին։