Նա՝ բատուտի վրա ցատկելով, դարձավ նախարար․ Զախարովա
Գերմանիայի արտաքին գործերի նախարար Աննալենա Բերբոկը ոչինչ չունի ՄԱԿ-ի Գլխավոր ասամբլեայի նախագահի պաշտոնում ծառայելու համար, բացի բատուտի վրա ցատկելու հմտությունից ու շատ սուղ գիտելիքներից: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։
«Ես նույնիսկ վախենում եմ պատկերացնել, թե ինչպես է Գլխավոր ասամբլեան մի ամբողջ տարի ղեկավարելու նման սուղ գիտելիքներ ունեցող մարդը։ Բերբոկը բազմիցս հայտնվել է հրեշավոր դիվանագիտական սկանդալների մեջ, որոնք ստեղծվել են իր իսկ կողմից, իր իսկ դիրքորոշմամբ, իր իսկ անտեղյակությամբ իրողությունների, պատմության մասին, որն ընդհանրապես պատկերացում չունի դիվանագիտական աշխատանքի մասին»,- ասել է նա։
Զախարովան նշել է, որ ոչ մի վատ բան չի տեսնում ոչ բատուտի, ոչ էլ բատուտի վրա ցատկելու մեջ՝ այն անվանելով հիանալի սպորտ:
«Նա դարձել է Գերմանիայի արտաքին քաղաքական գերատեսչության ղեկավարը՝ բառիս բուն և փոխաբերական իմաստով ցատկելով բատուտի վրա։ Սրանք այնպիսի քաղաքական բատուտիստներ են, որոնց մասին կարելի է շատ երկար խոսել»,-հավելել է Զախարովան։
