Հայտնի է` երբ ուժի մեջ կմտնի օրենքը, որով կարգելվի դպրոց ընդունել ռուսերենին չտիրապետող միգրանտների երեխաներին

Նոր օրենքը, որով արգելվում է դպրոց ընդունել ռուսերենին չտիրապետող միգրանտների երեխաներին, ուժի մեջ կմտնի ապրիլի 1-ից: Այս մասին հայտնել է Պետդումայի նախագահ Վյաչեսլավ Վոլոդինը։

«Միգրանտների երեխաներին, որոնք չեն տիրապետում ռուսերենին, չեն ընդունի դպրոցներ։ Հանրակրթական դպրոց ընդունվելիս պարտադիր ստուգվելու է ոչ միայն ռուսաց լեզվի իմացության մակարդակը, այլև ՌԴ տարածքում նրանց գտնվելու օրինականությունը»,- տելեգրամի իր ալիքում գրել է Պետդումայի նախագահը։