Ստամբուլում ցուցարարների վրա գազ է կիրառվել
Ստամբուլի կալանավորված քաղաքապետ Էքրեմ Իմամօղլուին աջակցող ցուցարարների վրա Սարաչանե այգում գազ են փչել, այս մասին հայտնում է РИА Новости–ն:
Ավելի վաղ Թուրքիայի գլխավոր ընդդիմադիր Ժողովրդահանրապետական կուսակցությունը (CHP) հերթական բողոքի ակցիայի կոչն էր արել։
Նշվում է, որ ծխի նմանվող նյութը տարածվում է Շեհզադեի մզկիթից, որը սահմանակից է այգուն:
Ցուցարարները փռշտում ու հազում են, իսկ ցուցարարների վանկարկումների ու ելույթների ընդմիջումներում քննարկում են, թե ինչ է կատարվում, ինչ գազ է։ Ներկաներից շատերը կրում են բժշկական դիմակներ, բալակլավաներ և շարֆեր՝ փաթաթված բերանին ու քթին:
