Քանի «ոսկե վիզա» է կարողացել վաճառել Դոնալդ Թրամփը
ԱՄՆ առևտրի նախարար Հովարդ Լուտնիկը հայտարարել է, որ մեկ օրում վաճառվել է հազար «ոսկե վիզա»։ Սա 5 միլիարդ դոլարի եկամուտ է բերել:
Ինչպես գրում է The Financial Express-ը, ԱՄՆ-ն որոշել է 5 միլիոն դոլարով բնակության թույլտվություն վաճառել հարուստ օտարերկրացիներին: Այս փաստաթուղթը կոչվում է «ոսկե վիզա»։
Լուտնիկի գնահատմամբ՝ ԱՄՆ-ն կկարողանա ընդհանուր առմամբ վաճառել նման մեկ միլիոն վիզա։ Ընդհանուր առմամբ, նա պոտենցիալ գնորդների շուկան գնահատում է 37 միլիոն մարդ:
ԱՄՆ նախագահ Դոնալդ Թրամփը փետրվարի վերջին հայտարարեց «ոսկե վիզաների» մասին։ Հետո նա ասաց, որ վաճառքը կսկսվի երկու շաբաթից։ Օվալաձև սենյակի ղեկավարը ծրագրում է ստացված գումարն օգտագործել բյուջեի դեֆիցիտը ծածկելու համար։ Բացի այդ, Թրամփը բացատրել է, որ մեծահարուստ անհատները, ովքեր այս ծրագրով կժամանեն ԱՄՆ, մեծ հարկեր կվճարեն և աշխատատեղեր կստեղծեն։
