Հռոմի պապը Վատիկան կվերադառնա կիրակի
Հռոմի Ֆրանցիսկոս պապը կիրակի կավարտի իր բուժումը Հռոմի Ագոստինո Գեմելի հիվանդանոցում և կվերադառնա Վատիկան, շաբաթ օրը հայտարարել է նրա բժիշկ Սերջիո Ալֆիերին։
«Պոնտիֆիկոսը վաղը դուրս կգրվի հիվանդանոցից»,- ասել է նա լրագրողներին։
Միաժամանակ Ալֆիերին, ով պատասխանատու է հիվանդանոցում Հռոմի պապի բուժման համար, նախազգուշացրել է, որ հիվանդին ժամանակ կպահանջվի լիովին ապաքինվելու համար։ Տնային պայմաններում բուժման կուրսը նախատեսվում է երկու ամիս։ Այս ընթացքում Ֆրանցիսկոսի հանրային մուտքը սահմանափակ կլինի։
Ֆրանցիսկոս պապը 88 տարեկան է։ Հիվանդանոցում նրան բուժել են թոքաբորբից և հիվանդության հետևանքով առաջացած բարդություններից։
