Այն իրական երկիր չէ. Մասկ
ԱՄՆ Կառավարության արդյունավետության դեպարտամենտի ղեկավար, ձեռնարկատեր Իլոն Մասկը պատասխանել է հազարավոր կանադացիների, ովքեր ստորագրել են խնդրագիր՝ իրեն Կանադայի քաղաքացիությունից զրկելու պահանջով, հայտարարելով, որ Կանադան իրական երկիր չէ։
Ավելի վաղ ավելի քան 160,000 կանադացիներ ստորագրել էին առցանց խնդրագիր՝ պահանջելով, որ Իլոն Մասկը զրկվի Կանադայի քաղաքացիությունից, իսկ ավելի քան 15,000 կանադացիներ նույնպես պահանջել են, որ ԱՄՆ նախագահ Դոնալդ Թրամփին պերսոնա նոն գրատա հայտարարվի։
Համաձայն միջնորդագրի՝ Մասկը, ով Կանադայի քաղաքացի է դարձել 1989 թվականին, գործել է երկրի շահերի դեմ, միջամտել է նրա ընտրություններին և դարձել օտարերկրյա կառավարության անդամ, որը «ձգտում է խարխլել» նրա ինքնիշխանությունը։
«Կանադան իրական երկիր չէ», – գրել է Մասկը X-ի իր էջում՝ ի պատասխան խնդրագրի մասին գրառման։
