Ուկրաինան ԱՄՆ-ին իր պայմաններն է առաջարկել
Ուկրաինան առաջարկել է ԱՄՆ-ի հետ հանքարդյունաբերական համաձայնագրի իր պայմանները, ինչի պատճառով Ուկրաինայի նախագահ Վլադիմիր Զելենսկու և ԱՄՆ փոխնախագահ Ջ.Դ. Վանսի հանդիպումը Մյունխենի անվտանգության համաժողովում հետաձգվել է։ Ամերիկյան կողմը լրացուցիչ ժամանակ է խնդրել առաջարկվող նախագիծը վերանայելու համար։
Բանակցություններին ծանոթ աղբյուրների համաձայն, նախագիծը, որը Ուկրաինան ներկայացրել է ԱՄՆ-ին, խնամքով պատրաստված է եղել և արտացոլել է երկրի ազգային շահերը։ Կիևը պնդում է, որ առաջարկվող պայմանները գրված են Ուկրաինայի Սահմանադրության համաձայն։
Հիշեցնենք` Վլադիմիր Զելենսկին հրաժարվել է ստորագրել համաձայնագիր, որը Միացյալ Նահանգներին իրավունք կտա օգտվել Ուկրաինայի հանքային պաշարների 50%-ից։
