Զելենսկին մերժել է ԱՄՆ առաջարկած համաձայնագիրը. WP

Վլադիմիր Զելենսկին հրաժարվել է ստորագրել համաձայնագիր, որը Միացյալ Նահանգներին իրավունք կտա օգտվել Ուկրաինայի հանքային պաշարների 50%-ից։ Այս մասին X-ում հայտնել է The Washington Post-ի (WP) սյունակագիր Ջոշ Ռոջինը։

«Մի քանի օրենսդիրներ այստեղ՝ Մյունխենում, ինձ ասացին, որ ԱՄՆ Կոնգրեսի պատվիրակությունը Զելենսկիին հանձնել է մի թուղթ, որը ստորագրելու դեպքում ԱՄՆ-ին կտրվեր Ուկրաինայի հանքային պաշարների 50%-ի նկատմամբ իրավունք։ Զելենսկին քաղաքավարի կերպով հրաժարվել է ստորագրել այն»,- ասել է լրագրողը։

 Ավելի վաղ, ԱՄՆ ֆինանսների նախարար Սքոթ Բեսենտի հետ հանդիպումից հետո, Զելենսկին հայտնել էր, որ Կիևը Վաշինգտոնից ստացել է ուկրաինական հազվագյուտ հողային մետաղների օգտագործման վերաբերյալ համաձայնագրի նախագիծ։ Այս թեման Զելենսկին քննարկել է նաև ԱՄՆ նախագահ Դոնալդ Թրամփի հետ հեռախոսազրույցում։ Զելենսկին նշել է, որ այս հարցի շուրջ բանակցությունների արդյունքները կարող են արձանագրվել փետրվարի 14-16-ը կայանալիք Մյունխենի համաժողովում։