Հնարավոր է մրցաշարի անցկացման վայրի փոփոխություն. UFC նախագահ
UFC-ի նախագահ Դանա Ուայթը պատասխանել է թեթև քաշային կարգի չեմպիոն Իսլամ Մախաչևի և դասակարգման աղյուսակի առաջատար, հայ մարտիկ Արման Ծառուկյանի միջև մենամարտի վայրի հնարավոր փոփոխման մասին հարցին։
«Եթե հրդեհը սաստկանա, մենք մրցաշարը կտեղափոխենք Լաս Վեգաս, բայց դա կանենք միայն այն դեպքում, եթե իրավիճակը շատ վատ լինի։ Ներկա պահին ամեն ինչ մեր վերահսկողության տակ է։ Մրցաշարի անցկացման վայրի փոփոխություն այս պահին չի նախատեսվում»,- նշել է Դանա Ուայթը։
Հիշեցնենք` Ծառուկյան – Մախաչև մենամարտը կկայանա UFC-311 մրցաշարում, որը նախատեսված է անցկացնել հունվարի 18-ին՝ Լոս Անջելեսում։
