Ծառուկյանը՝ ստացած վնասվածքի և մենամարտից հրաժարվելու մասին

Արման Ծառուկյանը պատմել է, թե ինչպես է մեջքի վնասվածք ստացել ու հրաժարվել Իսլամ Մախաչևի դեմ տիտղոսային մենամարտից:

«Ամեն ինչ լավ էր, բայց վերջին օրը մարզումից հետո գնացի քնելու և սկսեցի ցավ զգալ մեջքիս ներքևի հատվածում: Դրա պատճառով ամբողջ գիշեր չէի կարողանում քնել: Հաջորդ օրը մտածեցի, որ ամեն ինչ կարգին կլինի և մամուլի ասուլիսից հետո սկսեցի քաշ գցել: Մարզվում էի հեծանիվի վրա, երբ մեջքս բռնվեց, չէի կարողանում շարժվել»,- ինսայդեր Արիել Հելվանին պատմել է Ծառուկյանը:

Նա ստիպված է եղել հրաժարվել սպասվող պայքարից, ու Մախաչևի հետ մենամարտել է բրազիլացի Ռենատո Մոյկանոն: Ռուս մարզիկը նորից հաջողությամբ պաշտպանել է իր գոտին: