«Կարծես ատոմային ռումբ է ընկել այս տարածքներում». Լոս Անջելեսի շերիֆ
Լոս Անջելեսի շերիֆ Ռոբերտ Լունան Կալիֆոռնիայում մոլեգնող հրդեհների հետեւանքները համեմատել է ատոմային ռումբի արձակման հետ: Այս մասին հայտնում է CNN-ը՝ վկայակոչելով Լունայի խոսքերը մամուլի ասուլիսում։
«Լոս Անջելեսի շերիֆ Ռոբերտ Լունան ասել է, որ կարծես ատոմային ռումբ է ընկել այս տարածքներում», – հաղորդել է լրատվամիջոցը:
Լունան նշել է, որ թեև, իր տվյալներով, մինչ այժմ հրդեհների զոհերի թիվը 10 է, սակայն կասկածում է այս թվերին։
Նա հույս է հայտնել, որ զոհերի թիվը չի ավելանա, սակայն «հաշվի առնելով հրդեհների ավերածությունները», «լավ նորությունների չի սպասում»։
