5 հաղթանակ անընդմեջ․ Ծառուկյանը վերադառնում է և բացահայտ ֆավորիտ է UFC 331-ում

Սեպտեմբերի 20-ին Լոս Անջելեսում նախատեսված UFC 331 խառը մենամարտերի մրցաշարի երկրորդ գլխավոր հանդիպումը կլինի թեթև քաշային կարգում (մինչև 70,3 կգ) հայ մարտիկ Արման Ծառուկյանի (23-3) և բրազիլացի Մաուրիսիո Ռուֆիի (14-2) միջև:

Բուքմեյքերական ընկերություններն արդեն ներկայացրել են առաջիկա մրցապայքարի գործակիցները, որտեղ հստակ ընդգծված է հանդիպման ֆավորիտը:

Համաձայն ներկայացված տվյալների՝ հաջողության հասնելու զգալիորեն բարձր հավանականություն ունի Արման Ծառուկյանը։ Նրա հաղթանակի համար սահմանվել է 1.25 գործակիցը, իսկ Ռուֆիի հաղթելու հնարավորությունը գնահատվել է 4.00 գործակցով։ Ամերիկյան գործակիցների համակարգով ցուցանիշներն ունեն հետևյալ տեսքը՝ Ծառուկյան (-400, ինչը ենթադրում է 100 դոլար մաքուր եկամուտ ստանալու համար 400 դոլարի խաղադրույք), Ռուֆի (+300, որտեղ 100 դոլարի խաղադրույքը ապահովում է 300 դոլարի մաքուր շահույթ):

Հարկ է նշել, որ Ծառուկյանը ներկայումս ընթանում է 5 անընդմեջ հաղթանակների շարքով, սակայն սա կլինի նրա մեկնարկային մենամարտը 2026 թվականին։ Նա իր նախորդ հանդիպումն անցկացրել էր նախորդ տարվա նոյեմբերին՝ երկրորդ ռաունդում ցավեցնող հնարքով հաղթելով Դեն Հուկերին։

Ի տարբերություն նրա, Մաուրիսիո Ռուֆիի համար սա արդեն երրորդ ելույթը կլինի 2026 թվականի ընթացքում։ Բրազիլացի մարտիկը նախորդ երկու մենամարտերում տպավորիչ հաղթանակներ է գրանցել՝ ժամանակից շուտ նոկաուտի ենթարկելով Ռաֆայել Ֆիզիևին և Մայքլ Չենդլերին։

UFC 331 մրցաշարի կենտրոնական մենամարտում կհանդիպեն թեթևագույն քաշային կարգի գործող չեմպիոն Ջոշուա Վանն ու նախկին չեմպիոն Ալեշանդրե Պանտոժան՝ անցկացնելով ռևանշ-մենամարտ