Կանադան Ուկրաինային ավելի քան 305 միլիոն դոլարի ռազմական օգնություն է հատկացրել
Կանադան Ուկրաինային հատկացրել է 440 միլիոն կանադական դոլարի (305,7 միլիոն ԱՄՆ դոլար) ռազմական օգնության նոր փաթեթ, ասվում է երկրի կառավարության հաղորդագրությունում: Այս մասին գրում է РИА Новости–ն:
«Այսօր Ուկրաինայի պաշտպանության կոնտակտային խմբի 25-րդ հանդիպմանը ազգային պաշտպանության նախարար Բիլ Բլերը հայտարարել է Ուկրաինային 440 մլն դոլարի չափով ռազմական օգնության մասին»,- նշվում է հաղորդագրությունում։
Հաղորդվում է, որ նշված գումարից գրեթե 139 մլն դոլարը կուղղվի Չեխիայի նախաձեռնությանը` խոշոր տրամաչափի զինամթերք գնելու և Կիևին մատակարարելու համար։ Եվս 35 մլն դոլար Օտտավան կծախսի սեփական ռազմարդյունաբերական հատվածից տարբեր տրամաչափի զինամթերք գնելու համար։ Բացի այդ, 69,5 մլն կուղղվի Ուկրաինայում ռազմական անօդաչու թռչող սարքերի արտադրությանը։ Կանադան նաև միջոցներ կտրամադրի ձմեռային սարքավորումների և բարձրորակ տեսախցիկների արտադրության համար:
Հաշվի առնելով օգնության վերջին փաթեթը՝ Կանադայի իշխանությունների կողմից Ուկրաինային ռազմական աջակցության համար հատկացված միջոցների ընդհանուր ծավալը կազմել է 3,13 մլրդ դոլար։
