«Իսլամական պետությունը» գործում է Պակիստանի աջակցությամբ. Թալիբան

Աֆղանստանն ունի «ապացույցներ», որ «Իսլամական պետություն» կազմակերպության զինյալները գործում են Պակիստանի կառավարության աջակցությամբ և թույլտվությամբ: Այս մասին շաբաթ օրը լրատվամիջոցների ներկայացուցիչներին ասել է Աֆղանստանի Իսլամական Էմիրության (Խմբ.՝ երկրի ինքնաանվանումը՝ ներկայիս իշխանության օրոք) խոսնակի տեղակալ Համդուլլա Ֆիտրաթը, գրում է РИА Новости–ն:

«Այս խմբի ֆինանսավորման, սարքավորումների և աջակցության կենտրոնները գտնվում են Բելուջիստանում և Պակիստանի որոշ այլ մասերում, և կան ապացույցներ, որ խումբը գործում է Պակիստանի կառավարության հավանությամբ», - մեջբերում է Alemarah լրատվական պորտալը Ֆիրաթի խոսքերը:

Մամուլի քարտուղարի տեղակալն ընդգծել է, որ «Իսլամական Էմիրությունը չի աջակցում այլ պետությունների դեմ գործող օտարերկրյա խմբավորումներին»՝ նշելով, որ «Աֆղանստանն իր անվտանգության ապահովման հարցում որևէ մեկից կախված չէ»։