ՀԱՄԱՍ–ը հաստատել է Գազայի հարցով բանակցությունների նոր փուլը
Պաղեստինյան ՀԱՄԱՍ շարժումը հաստատել է, որ հունվարի 3-ին Դոհայում կկայանա Իսրայելի հետ անուղղակի բանակցությունների նոր փուլ Գազայի հատվածում հրադադարի շուրջ։ Համապատասխան հայտարարությունը հրապարակվել է շարժման պաշտոնական կայքում։ Այս մասին գրում է ТАСС–ը:
«Այսօր՝ ուրբաթ, Կատարի մայրաքաղաք Դոհայում վերսկսվում են Գազայի վերաբերյալ անուղղակի բանակցությունները, որոնց ընթացքում կքննարկվի անկլավում հրադադարի ռեժիմը, իսրայելական զորքերի դուրսբերումը Գազայից և տեղահանվածների վերադարձն իրենց տները ողջ գոտում», - ասված է փաստաթղթում։
ՀԱՄԱՍ-ի հայտարարության մեջ չի նշվում, թե արդյոք կողմերը նախատեսում են հանդիպման ժամանակ բարձրացնել Գազայում պահվող իսրայելցի պատանդներին պաղեստինցի գերիների հետ փոխանակելու հարցը։
