Չինական 23 ինքնաթիռներ և 6 նավեր մոտեցել են Թայվանին
Թայվանի զինված ուժերը գրանցել են Չինաստանի 23 ինքնաթիռ և 6 նավ, որոնք մոտենում են կղզուն։ Այս մասին հայտնել է Թայվանի պաշտպանության նախարարությունը, գրում է ТАСС–ը:
Նշվում է, որ չինական նավերը նկատվել են «այսօր առավոտյան ժամը 06:00-ից առաջ (Երևանի ժամանակով՝ 02:00-ին)»:
«16 ինքնաթիռ հատել է միջին գիծը և մտել Թայվանի հյուսիսային, հարավ-արևմտյան և արևելյան հակաօդային պաշտպանության գոտի: Մենք վերահսկել ենք իրավիճակը և համապատասխան արձագանքել», - նշել են զեկույցում:
Թայվանը կառավարվում է իր սեփական վարչակազմի կողմից 1949 թվականից, երբ Չիանգ Կայ-շեկի (1887-1975) գլխավորած Կուոմինտանգի ուժերի մնացորդները փախան այնտեղ՝ Չինաստանի քաղաքացիական պատերազմում պարտվելուց հետո։ Պեկինը Թայվանը համարում է Չինաստանի Ժողովրդական Հանրապետության գավառներից մեկը։
