Աֆղանստանի և Պակիստանի սահմանին մարտեր են

Աֆղանստանի և Պակիստանի սահմանին մարտեր են, գրում է ТАСС-ը` հղում անելով Ariana News հեռուստաալիքին։

 «Մի քանի կետեր, այդ թվում՝ հանցավոր տարրերի և նրանց աջակիցների կենտրոններն ու թաքստոցները, որտեղից հարձակումներ են կազմակերպվել Աֆղանստանում,  պատասխան հարված են ստացել երկրի հարավ-արևելքից»,- ասվում է Քաբուլում իշխանության ղեկին գտնվող «Թալիբանի» ՊՆ-ի հայտարարության մեջ։ 

Ըստ աղբյուրների՝ բախումների ժամանակ օգտագործվել են թեթև և ծանր զինատեսակներ, պնդում է Ariana News-ը։

 Դեկտեմբերի 24-ին «Թալիբան» շարժման պաշտպանության նախարարությունը հայտնել է, որ Պակիստանի զինված ուժերը հարվածներ են հասցրել Պակտիկա նահանգի մի տարածքում։ Գերատեսչությունը դատապարտել է պակիստանյան կողմի գործողությունները՝ ընդգծելով, որ դրանք խախտում են միջազգային նորմերը և «ոչ մի խնդրի լուծում չեն»։ ՊՆ-ն վստահեցրել է, որ միջադեպը «անպատասխան չի մնա»։ Պակտիկա քաղաքում տեղի ունեցած պայթյունի հետևանքով զոհվել է առնվազն 50 մարդ, ևս 40-ը վիրավորվել են:

 Պակիստանի ռազմաօդային ուժերի օդային հարվածները Աֆղանստանում թիրախների վրա երկրորդն էին այս տարի՝ մարտին այդ երկրում ահաբեկիչների բազաների վրա նմանատիպ հարձակումներից հետո։