ՑԱԽԱԼ–ը՝ հութիների թիրախներին հասցված հարվածների մասին

Իսրայելի պաշտպանության բանակը (IDF) հինգշաբթի հարվածներ է հասցրել Եմենի հութի ապստամբների ռազմական օբյեկտներին՝ ի պատասխան նրանց հարձակումներին Իսրայելի տարածքի վրա։ Այսպիսի հայտարարություն է արել Իսրայելի արտգործնախարար Գեդեոն Սաարը, գրում է ТАСС–ը:

«Իսրայելը հարվածներ է հասցրել Եմենում Հութի ահաբեկչական խմբավորման թիրախներին: Այս գործողությունները հաջորդում են 2023 թվականի հոկտեմբերի 7-ից Իսրայելի վրա հութիների շարունակական հարձակումներին, ներառյալ վերջին շաբաթվա ընթացքում հրթիռակոծությունները և անօդաչու թռչող սարքերի արձակումները», - նրա խոսքերը մեջբերում է հրեական պեության ԱԳՆ մամուլի ծառայությունը: 

Սաարը հութի ապստամբներին անվանել է «Իրանի չարի առանցքի կենտրոնը»: Նա ասել է, որ հութիների «կործանարար հարձակումները» միջազգային նավագնացության ուղիների վրա «խաթարում են համաշխարհային կայունությունը»:

«Մենք չենք հանդուրժի մեզանից 2 հազար կմ հեռավորության վրա գործող ահաբեկչական բանակի չհրահրված ագրեսիան», - եզրափակել է հրեական ԱԳՆ ղեկավարը։

Ավելի վաղ Իսրայելի ռազմաօդային ուժերի կործանիչները հարձակվել են հութիների ռեժիմի ռազմական օբյեկտների վրա: