Չեմ պատրաստվում որևէ բան վերականգնել․ ֆինանսների նախարար

Այդ պարտքը, որն իմ հայտարարագրում հաշվառված էր, չի անհետացել, դրա անհետանալը ոչ թե վրիպակ է, այլ այն պատճառով է, որ ինձ պատկանող գույքը և այդ պարտքը զիջվել է երրորդ անձի։ Այս մասին հայտնեց Ֆինանսների նախարար Վահե Հովհաննիսյանը՝ ի պատասխան դիտարկմանը, որ իր հայտարարագրում մեկ միլիոն դոլարի փոխառությունը չի նշել։

Նախարարին հարց ուղղվեց․ «Հնարավո՞ր է՝ Դուք էլ, Երևանքի քաղաքապետ Տիգրան Ավինյանի օրինակով, փոխհատուցեք այդ մեկ միլիոնի ծախսը»։

Ֆինանսների նախարարն ի պատասխան ասաց․ «Ինչ վերաբերվում է վերականգնմանը, ես չեմ կարծում, թե որևէ բան է տեղի ունեցել, որը ես պետք ա վերականգնեմ։ Ձեր հարցի պատասխանն է՝ ոչ, ես չեմ պատրաստվում որևէ բան վերականգնել, որովհետև որևէ մեկին որևէ վնաս չեմ տվել»։