Հստակ հասկանում ենք, թե ով է մեր թշնամին․ Պեսկով
Մոսկվան հստակ հասկանում է, թե ով է թշնամին և ինչի է ընդունակ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով պայթյունը, որի հետևանքով զոհվել է գեներալ-լեյտենանտ Իգոր Կիրիլովը:
«Մենք հստակ հասկանում ենք, թե ով է մեր թշնամին, ինչի է նա ընդունակ, և դա ևս մեկ անգամ ապացուցում է հատուկ ռազմական գործողության ընթացքում մեր գործողությունների ճշմարտացիությունը», - ասել Է Պեսկովը:
ՌԴ Քննչական կոմիտեի տվյալներով՝ դեկտեմբերի 17-ի առավոտյան Մոսկվայի Ռյազանի պողոտայում գործի է դրվել պայթուցիկ սարք, որը տեղադրված է եղել տան մուտքի մոտ կանգնած սկուտերի մեջ: Զոհվել են գեներալ-լեյտենանտ Իգոր Կիրիլովը և նրա օգնականը։ Փաստի առթիվ քրեական գործ է քննվում ահաբեկչության, սպանության և զենքի ապօրինի շրջանառության հոդվածներով:
Ավելի ուշ ԱԴԾ-ից հայտնել են, որ ձերբակալվել է ուկրաինական հատուկ ծառայությունների կողմից հավաքագրված ահաբեկչության հեղինակը՝ Ուզբեկստանի քաղաքացին, որին ուկրաինական հատուկ ծառայությունները 100 հազար դոլար են խոստացել:
