Պենտագոնի նոր ղեկավար կարող է դառնալ հարբեցող, որին հեռացրել են անպարկեշտ վարքագծի համար

Պենտագոնի գլխավոր թեկնածու Փիթ Հեգսեթը նախկինում հեռացվել է վետերանների շահերի պաշտպանության երկու խմբերից՝ աշխատավայրում պարբերաբար հարբած լինելու, անպարկեշտության և կորպորատիվ միջոցները յուրացնելու համար, երկուշաբթի գրել է New Yorker ամսագիրը՝ վկայակոչելով այդ կազմակերպությունների նախկին աշխատակիցներին:

Թրամփն ավելի վաղ առաջարկել էր պաշտպանության նախարարի պաշտոնը տալ հեռուստահաղորդավար և նախկին զինվորական Փիթ Հեգսեթին։ Այս որոշումը շոկ է առաջացրել Վաշինգտոնում, հաղորդում է Politico-ն։ Ըստ պաշտպանական արդյունաբերության անանուն լոբբիստի, հույս կար, որ Պենտագոնի նոր ղեկավարը կլինի մեկը, ով իսկապես մեծ պաշտպանական փորձ ունի:

«Մի շարք փաստաթղթեր, որոնք հաստատվել են նախկին գործընկերների ներկայացրած պատմություններով, ցույց են տալիս, որ Հեգսեթը ստիպված է եղել իր ղեկավարած երկու իրավապաշտպան ոչ կոմերցիոն կազմակերպությունների պահանջով հեռանալ պաշտոնից ֆինանսական մեքենայությունների վերաբերյալ լուրջ մեղադրանքների, սեռական անպարկեշտությունների և անձնական ոչ պատշաճ վարքագծի պատճառով»,– գրում է պարբերականը:

Նշվում է, որ «Մտահոգված վետերանները Ամերիկայի համար» ՀԿ-ի նախկին աշխատակիցները յոթ էջանոց զեկույց են կազմել Հեգսեթի ոչ պատշաճ պահվածքի մասին և այն ուղարկել կազմակերպության ղեկավարությանը 2015 թվականի փետրվարին։