Հարձակվել են գրասենյակների վրա, կոտրել աշխատակցուհու գլուխը. Վրաստանի վարչապետ
Վրացական ընդդիմության ներկայացուցիչները հարձակվում են երկրի իշխող կուսակցության՝ «Վրացական երազանքի» տարածաշրջանային մասնաճյուղերի վրա։ Այս մասին հայտարարել է հանրապետության կառավարության ղեկավար Իրակլի Կոբախիձեն։
«Երեկ Քութայիսիի մեր գրասենյակը փորձել են հրկիզել, այսօր Զեստաֆոնիի կուսակցության գրասենյակի վրա քարեր են նետել և կոտրել կանանցից մեկի՝ գրասենյակի աշխատակցուհու գլուխը»,- ասել է վարչապետը։
Կոբախիձեն հիշեցրել է, որ «Վրացական երազանքն» ունի զգալիորեն ավելի մեծ ռեսուրսներ, քան բոլոր ընդդիմադիր քաղաքական ուժերը, ուստի իշխող կուսակցությունը չի արձագանքի այս կարգի սադրանքներին։
