Ուժայինները սկսել են լքել խորհրդարանի շենքը. Հարավային Կորեա
Որոշ բարձրաստիճան զինվորականներ և ոստիկաններ հրաժարվել են կատարել ռազմական դրություն մտցնելու՝ Հարավային Կորեայի նախագահ Յուն Սեոկ Յոլի հրամանը։
«Նախագահը պետք է անհապաղ հանի ռազմական դրությունը՝ համաձայն խորհրդարանի որոշման, քանի որ ռազմական դրությունն այլևս չի գործում։ Զինվորականներն ու ոստիկանները նույնպես պետք է վերադառնան իրենց պաշտոններին՝ համաձայն խորհրդարանի որոշման», - քվեարկության արդյունքներից հետո ասել է Հարավային Կորեայի խորհրդարանի խոսնակը։
Ըստ ԶԼՄ–ների հրապարակումների՝ հատուկ ջոկատայինները սկսել են լքել խորհրդարանի շենքը։
Ըստ ամենայնի, սա Հարավային Կորեայի պատմության մեջ ամենակարճ ռազմական դրությունն էր։
Ինչպես հայտնել էինք՝ Հարավային Կորեայի մայրաքաղաք Սեուլում ցուցարարները հավաքվել են խորհրդարանի մոտ։ Նրանք փորձում են կոտրել դարպասը և ներխուժել շենք: Հայտնում են տելեգրամյան ալիքները: Երկրում դադարեցվել է խորհրդարանի և քաղաքական կուսակցությունների աշխատանքը, վերահսկողություն է սահմանվել բոլոր լրատվամիջոցների նկատմամբ։
