Լարսը երկու ուղղություններով փակ է
Միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում եղանակային պայմանների վատթարացման պատճառով Խաչի լեռնանցքը երկու ուղղություններով ամբողջությամբ փակ է բոլոր տեսակի տրանսպորտային միջոցների համար:
Այս մասին հայտնում է ՌԴ–ում ՀՀ դեսպանատան մաքսային կցորդը։ Ավելի վաղ հայտեն էինք, որ շուրջ 450 հայկական բեռնատարներ կուտակվել են ռուս-վրացական սահմանին: Ընդհանուր առմամբ Լարսի անցակետում գոյացած հերթում 1370 բեռնատար է սպասում:
