ՏԵՍԱՆՅՈՒԹ․ Պայթյուն՝ Պակիստանում․ կան տասնյակ զոհեր և վիրավորներ

Այսօր առավոտյան պայթյուն է որոտացել Պակիստանի Բելուջիստան նահանգի Քվետա քաղաքի երկաթուղային կայարանում: Զոհվել է առնվազն 21 մարդ, ևս 30-ը վիրավորվել են։ Այս մասին հայտնում է Geo հեռուստաալիքը:

«Նման է մահապարտի կողմից իրականացված պայթյունի, սակայն դեռ վաղ է հստակ ասել»,– հայտարարել է ոստիկանության ավագ տեսուչ Մոհամադ Բալոխը:

Պայթյունը տեղի է ունեցել կայարանում, երբ գնացքը պետք է ուղևորվեր Քվետայից Փեշավար: Քանի որ մի քանի տուժածներ գտնվում են ծայրահեղ ծանր վիճակում, պայթյունի հետևանքով զոհերի թիվը կարող է աճել:

Ոստիկաններն ու անվտանգության ուժերը ժամանել են դեպքի վայր։ Հիվանդանոցներում արտակարգ դրության ռեժիմ է սահմանվել։