Արբաթ գյուղում ծագած խնդիրը լուծում ստացավ

Արարատի մարզի Արբաթ գյուղի բնակիչներն Auroranews-ին ահազանգել էին, որ մոտ երեք շաբաթ տրանսպորտը չի գործում: Մարդիկ ստիպված էին օգտվել տաքսու ծառայություններից: Տաքսու վարորդներն էլ օգտվելով առիթից բարձր սակագներ էին սահմանել որպես միակ և այլընտրանքային փոխադրամիջոց: Բնակիչների փոխանցմամբ, մինչ այդ գյուղում գործում էր «Գազել» տեսակի երթուղայինը, որն աշխատում էր ժամը մեկ հաճախականությամբ:

Ստեղծված իրավիճակի վերաբերյալ պարզաբանում ստանալու համար Auroranews-ը կապ էր հաստատել Արարատի մարզպետարանի հետ, որտեղից հայտնեցին, որ ծանոթ են խնդրին և դիմել են Տարածքային կառավարման և ենթակառուցվածքների նախարարություն:

Auroranews-ին նախարարությունից քիչ առաջ փոխանցեցին, որ Արբաթում տրանսպորտի հետ կապված եղել են որոշակի խնդիրներ, որոնք կարգավորվել են: Այսօրվանից գյուղի տրանսպորտն աշխատում է բնականոն ռեժիով:

Այսպիսով, Auroranews-ի  ջանքերով քաղաքացիների բարձրացրած խնդիրը լուծում ստացավ: Ի դեպ հարգելի ընթերցողներ, քանի որ յուրաքանչյուր խնդդիր լուսաբանվւմէ նաև ձեր ահազանգերի միջոցով կարևոր իրադարձությունների հետ կապված լուսանկարներ տեսակադրեր ուղարկեք մեզ, մեկնաբանություններ թողեք, կիսվեք լուրերով: