Մալաթիա-Սեբաստիայում երեխայի առևանգման մասին տեղեկությունը հերքվում է

Վաղ առավոտից Auroranews-ը քաղաքացիներից ահազանգ է ստանում, որ Մալաթիա-Սեբաստիա վարչական շրջանի Հաղթանակ թաղամասի մանկապատեզներից մեկից փորձել են երկու երեխա առևանգել, որոնցից մեկին հաջողվել է փախուստի դիմել: Տեղեկությունը ճշտելու նպատակով Auroranews-ը կապ հաստատեց Հաղթանակ թաղամասում գտնվող թիվ 80 մսուր-մանկապատրեզի տնօրեն Հայարփի Խաչատրյանի հետ:

Վերջինս հերքեց շրջանառվող տեղեկությունը, վստահեցնելով նաև, որ Հաղթանակ թաղամասում գտնվող մյուս կրաթական հաստատություններում ևս երեխաների առևանգման դեպք չի արձանագրվել: Auroranews-ի հետ զրույցում տեղեկությունը հերքեին նաև Մալաթիա-Սեբաստիա թաղապետարանից, նշելով որ իրենց ենթակայության ներքո գտնվող մանկապատեզներում նման դեպք չի եղել:

Տեղեկությունը հերքեցին նաև թե ՀՀ ոստիկանության լրատվական բաժնից, թե վարչական շրջանի ոստիկանության բաժանմունքից: Երևանի քաղաքապետարանի լրատվության վարչությունից «Auroranews»-ին հայտնեցին, որ առևանգման վերաբերյալ տեղեկություններ չունեն, տեղեկությունը հերքեցին նաև ԿԳՄՍ նախարարությունից: