«Հեզբոլլահ»-ի նոր ղեկավարը սպանվել է. Al Arabiya
«Հեզբոլլահի» գործադիր խորհրդի ղեկավար Հաշեմ Սաֆի ադ-Դինը զոհվել է Իսրայելի պաշտպանության բանակի հասցրած հարվածի հետևանքով: Հայտնում է Al Arabiya հեռուստաալիքը: Նա համարվում էր «Հեզբոլլահի» գլխավոր քարտուղարի պաշտոնի հիմնական հավակնորդը Հասան Նասրալլայի սպանվելուց հետո։
Նշվում է նաև, որ հարձակման հետևանքով զոհվել են Իրանի Իսլամական հեղափոխության պահապանների կորպուսի մի քանի սպաներ:
Reuters պարբերականը վերջերս հայտնել էր, որ հոկտեմբերի 4-ից Նասրալլայի ենթադրյալ իրավահաջորդի հետ կապը կորել է։
