Ռուսաստանում կրկին մուրճով հարձակվել են աշակերտների վրա
ՌԴ Իրկուտսկի մարզի դպրոցներից մեկում տղան դպրոց է եկել երեք մուրճով և հարվածել է մի քանի աշակերտի, RT-ին հայտնել է հաստատության աղբյուրը։
Տուժածները տեղափոխվել են հիվանդանոց։ Հարձակվողը պատմել է, որ քաղաքի ցանկապատի վրա գրված է եղել հղում։ Նա մտել է այդ հղումով էջը, որտեղ եղել են բռնության կոչեր։ «Կարծես թե ինչ-որ ուկրաինամետ խումբ լինի»:
8–րդ դասարանցուն բերման են ենթարկել։ Հարուցվել է քրեական գործ։
Նշենք, որ հոկտեմբերի 16-ին Չելյաբինսկի թիվ 68 դպրոցի աշակերտը մուրճ էր բերել դասի և հարձակվել այլ դպրոցականների և ուսուցիչների վրա, ինչի հետևանքով 4 աշակերտներ հոսպիտալացվել էին:
