ԱՄՆ-ի ահազանգը Լեհաստանին․ Ռուսաստանը պատրաստվում է զինված սադրանքի

ԱՄՆ-ն Լեհաստանին նախազգուշացրել է, որ առաջիկա ամիսներին Ռուսաստանը կարող է զինված սադրանք կազմակերպել Լեհաստանի տարածքում։ Այս մասին, հղում անելով իր աղբյուրներին, հայտնում են The Telegraph-ը:

Ըստ հրապարակումների՝ Մոսկվան քննարկում է մի շարք սցենարներ, այդ թվում՝ անօդաչու թռչող սարքերով կամ հրթիռներով հարվածներ Լեհաստանի կարևոր ենթակառուցվածքներին, ինչպես նաև ռուս կամ բելառուս զինծառայողների սահմանափակ ներթափանցում Բելառուսի կամ Կալինինգրադի ուղղությամբ։ Հնարավոր գործողությունների նպատակներից մեկը կարող է լինել ՆԱՏՕ-ի պատրաստակամության ստուգումն ու Արևմուտքի աջակցությունն Ուկրաինային թուլացնելու փորձը։ 

Աղբյուրների փոխանցմամբ՝ Ռուսաստանը նման գործողությունը կարող է ներկայացնել որպես GPS համակարգի խափանման հետևանքով սահմանի պատահական հատում կամ «փրկարարական առաքելություն»։ Վարշավայում չեն բացառում նաև սահմանամերձ շրջաններում հիբրիդային հարձակման հավանականությունը։ 

Միևնույն ժամանակ, լեհական  Onet-ի տեղեկություններով, Մոսկվայում նման գործողություն իրականացնելու վերջնական որոշում դեռ չի կայացվել։ Նշվում է, որ ՆԱՏՕ-ում քննարկում են հնարավոր արձագանքի տարբերակներ, այդ թվում՝ Կալինինգրադի ուղղությամբ քայլեր՝ իրավիճակի սրման դեպքում։