19:00 Լուրերը մեկ տողով.Վանաձորում պայթյուն, Բագրատ սրբազանի հաղթանակը դատարանում

Անցած ժամվա լուրերը՝ հակիրճ և բովանդակային.

•Վանաձորի գազալցակայանում պայթյուն է տեղի ունեցել. ՆԳՆ փրկարար ծառայության հաղորդմամբ՝ Բաղրամյան պողոտայում գտնվող լցակայանի պահեստային մասում տեղի ունեցած միջադեպի հետևանքով կա մեկ տուժած:

•Բագրատ սրբազանը դատարանում հաղթել է «Հանրապետություն» կուսակցության անդամներին. դատարանի որոշմամբ՝ Անի Խաչատրյանից և Հայկ Սահակյանից հօգուտ սրբազանի կբռնագանձվի 750-ական հազար դրամ՝ վիրավորանքի և զրպարտության համար:

•Շինհրապարակներում փոշենստեցման միջոցառումները դարձել են պարտադիր. Քաղաքաշինության կոմիտեն հայտնում է, որ ուժի մեջ մտած նոր նորմերով կառուցապատողները պարտավոր են կիրառել փոշեորսիչ համակարգեր և օդի որակի մոնիթորինգի սարքեր:

•Գերմանիայի կանցլերը հակադարձել է Թրամփի քննադատությանը. Ֆրիդրիխ Մերցը հայտարարել է, որ Բեռլինն առաջիկա չորս տարում կրկնապատկելու է պաշտպանական բյուջեն և ամաչելու պատճառ չունի:

•ՆԱՏՕ-ն Ռուսաստանը կհայտարարի անվտանգության երկարաժամկետ սպառնալիք. Անկարայի գագաթնաժողովի ամփոփիչ հռչակագրի նախագծում դաշինքի անդամները, ներառյալ ԱՄՆ-ը, կվերահաստատեն նաև իրենց երկաթյա հավատարմությունը կառույցին:

•Զապորոժիեի մարզում շուկային հասցված հարվածից զոհեր և տուժածներ կան. Տոկմակ քաղաքի շուկայի վրա ուկրաինական հարձակման հետևանքով հինգ խաղաղ բնակիչ է զոհվել, ևս 18-ը ստացել են տարբեր աստիճանի վնասվածքներ:

•Վառելիքային ճգնաժամը կանգնեցրել է Ռուսաստանի ներքին զբոսաշրջությունը. հունիսին տուրերի քանակը նվազել է, իսկ հանրաճանաչ ուղղություններով հյուրանոցների ամրագրումները կրճատվել են մինչև 30%-ով՝ բենզինի խնդրի պատճառով: