ՆԱՏՕ-ի առաջնորդները Անկարայի գագաթնաժողովում Ռուսաստանին կհայտարարեն դաշինքի համար «երկարաժամկետ սպառնալիք»

ՆԱՏՕ-ի անդամ երկրների առաջնորդները Անկարայում կայանալիք գագաթնաժողովի ընթացքում նախատեսում են Ռուսաստանին հայտարարել դաշինքի անվտանգության համար «երկարաժամկետ սպառնալիք»։ Այս մասին հայտնում է Reuters գործակալությունը՝ հղում անելով ՆԱՏՕ-ի անդամ երկրների դեսպանների կողմից նախապես համաձայնեցված ամփոփիչ հռչակագրի նախագծին։

Գործակալության տեղեկություններով՝ հռչակագրում նշվում է, որ Ռուսաստանը «երկարաժամկետ սպառնալիք է եվրատլանտյան անվտանգության և կայունության համար»։

Reuters-ը նաև հայտնում է, որ գագաթնաժողովի բոլոր մասնակիցները, այդ թվում՝ ԱՄՆ-ը, նույն փաստաթղթով վերահաստատելու են ՆԱՏՕ-ի նկատմամբ իրենց «անսասան հանձնառությունը»։