ԱԺ-ն 326 միլիոն դրամ է ծախսել Երևանում երիտասարդ խորհրդարանականների համաժողովի անցկացման համար
ՀՀ ազգային ժողովը Միջխորհրդարանական միության երիտասարդ խորհրդարանականների 10-րդ գլոբալ համաժողովի անցկացման համար ծախսել է մոտ 326 մլն դրամ (840 հազար դոլար): Այս մասին տեղեկացնում է Sputnik Արմենիա-ն:
Նշվում է, որ այդ գումարով պայմանագիր է կնքվել ՀՀ ազգային ժողովի աշխատակազմի և «Դվին» հյուրանոցային համալիրի միջև:
«Նշենք, որ սեպտեմբերի 12-14-ը Երևանում անցկացվել է Միջխորհրդարանական միության երիտասարդ խորհրդարանականների 10-րդ գլոբալ համաժողովը։
Համաժողովը, որն առաջին անգամ անցկացվել է 2014 թվականին, ուղղված է ժողովրդավարության ամրապնդմանն ու վերականգնմանը»,– գրում է լրատվամիջոցը:
