Բանավոր հանձնարարվել է Լապշինին չձերբակալել. գլխավոր դատախազությունը մանրամասնում է
Ալեքսանդր Լապշինը ՀՀ ոստիկանության աշխատակիցների կողմից հայտնաբերվել է 2024 սեպտեմբերի 21-ին Բելառուսի Հանրապետության իրավապահ մարմինների կողմից հետախուզման մեջ գտնվելու հիմքով: Այս մասին տեղեկացնում է ՀՀ գլխավոր դատախազի խորհրդականը:
«Դատախազի կողմից փաստաթղթերն ուսումնասիրելուց հետո բանավոր հանձնարարվել է Ա.Լապշինին չձերբակալել. ներկայում Լապշինը գտնվում է ազատության մեջ»,– նշվում է հաղորդագրության մեջ:
Այսօր ավելի վաղ հայտնել էինք, որ «Ադրբեջանի և Ռուսաստանի Դաշնության հետախուզման հիման վրա Երևանի «Զվարթնոց» օդանավակայանում իրավապահները արգելափակել են բլոգեր Ալեքսանդր Լապշինի մուտքը ՀՀ տարածք»:
Այս մասին սոցկայքերում գրել է բլոգեր Ալեքսանդր Լապշինը:
