Երևանում եղանակը կտրուկ կվատանա․ սպասվում են հորդառատ անձրևներ

Հուլիսի 3-ի կեսօրից հետո, ինչպես նաև հուլիսի 4-8-ի գիշերային և կեսօրից հետո ընկած ժամանակահատվածում հանրապետության զգալի մասում կանխատեսվում են կարճատև անձրևներ և ամպրոպ, իսկ առանձին վայրերում հնարավոր է նաև կարկուտ։

Հուլիսի 4-7-ը որոշակի հատվածներում տեղումները կլինեն հորդառատ։ Քամին կփչի արևմտյան ուղղությունից՝ 2-5 մ/վ արագությամբ, սակայն ամպրոպների ընթացքում սպասվում է քամու ուժգնացում, որի արագությունը կհասնի 18-23 մ/վ-ի։ Օդի ջերմաստիճանը հուլիսի 3-ի ցերեկը կնկատվի 1-2 աստիճանով բարձրացում, իսկ հուլիսի 4-6-ի ցերեկային ժամերին այն աստիճանաբար կնվազի 5-7 աստիճանով։

Մայրաքաղաք Երևանում հուլիսի 3-ի ուշ երեկոյան, ինչպես նաև հուլիսի 4-8-ի գիշերն ու կեսօրից հետո սպասվում են կարճատև անձրևներ և ամպրոպային երևույթներ, որոնց ժամանակ քամու արագությունը կարող է ուժգնանալ մինչև 17-20 մ/վ։ Հուլիսի 4-ի երեկոյան և հուլիսի 5-ի գիշերը քաղաքի առանձին հատվածներում անձրևները կլինեն հորդառատ։