ՏԵՍԱՆՅՈՒԹ. Բաթումիում կայծակի հարված ստացած զբոսաշրջիկը հրաշքով է փրկվել
Վրաստանում կայծակը հարվածել է Սամարայից 32-ամյա ռուսաստանցուն։ Նա ողջ է մնացել, հայտնում է SHOT Telegram ալիքը։
Հեռուստաալիքի տվյալներով՝ Պավել Սմիրնովը եղբոր և ընկերների հետ գնացել էր հանգստանալու Բաթումում։ Սեպտեմբերի 11-ի երեկոյան նրանք հավաքվել էին նավամատույցում՝ պարային տեսահոլովակ նկարահանելու և մայրամուտը վայելելու համար։ Պարի ժամանակ հանկարծ որոտաց և հզոր էլեկտրական հոսանք հարվածեց Պավելին։
Հարվածից հետո նա ընկավ, և նրա հագուստը բռնկվեց: Դեպքի վայր են ժամանել բժիշկները և որովայնի, մեջքի և ոտքերի այրվածքներով նրան տեղափոխել են հիվանդանոց: Բժիշկները զարմացել են, որ տղամարդը ողջ է մնացել հարվածից եւ լուրջ վնասվածքներ չի ստացել: Այս պահին նա գտնվում է Բաթումիի հիվանդանոցում։
