Նովոռոսիյսկում բենզինն ամբողջությամբ սպառվել է, դիզվառելիքը հասանելի է միայն 8 բենզալցակայանում

Ռուսաստանի Նովոռոսիյսկ քաղաքում բենզալցակայաններում բենզինն ամբողջությամբ սպառվել է։ Քաղաքի իշխանությունները հայտնել են, որ ստեղծված իրավիճակում բենզինի լիցքավորում հնարավոր է միայն վառելիքային քարտերի միջոցով։

Համայնքային կառավարման կենտրոնի տվյալներով՝ դիզելային վառելիքը ևս սահմանափակ է և առկա է քաղաքի ընդամենը ութ բենզալցակայանում։

Իշխանությունները քաղաքացիներին հորդորել են երթուղիները պլանավորելիս հաշվի առնել վառելիքի պակասը՝ նշելով, որ մատակարարումների վերականգնման մասին լրացուցիչ կտեղեկացնեն։

Միաժամանակ, Կրասնոդարի երկրամասի իշխանությունները բնակիչներին խորհուրդ են տվել հնարավորության դեպքում հրաժարվել ոչ հրատապ ուղևորություններից, չստեղծել վառելիքի պաշարներ և նախապատվությունը տալ հասարակական տրանսպորտին՝ մինչև մատակարարումների կայունացումը։