Թուրքիան կարևորել է Ռուսաստանի դերը Կովկասի խաղաղության գործընթացում

Թուրքիայի արտաքին գործերի նախարար Հաքան Ֆիդանը CNN Türk-ի հետ հարցազրույցում անդրադարձել է հունիսի 17-ին ՌԴ նախագահ Վլադիմիր Պուտինի հետ ունեցած հանդիպմանը և կարևորել Մոսկվայի դիրքորոշումը մի շարք գլոբալ հարցերում, այդ թվում՝ Կովկասում ընթացող խաղաղության գործընթացում:

Ռուսաստան-Հարավ-ասիական երկրների ասոցացիայի գագաթնաժողովի շրջանակում կայացած այդ հանդիպման ժամանակ թուրքական արտաքին գերատեսչության ղեկավարը բարձրացրել է Ուկրաինայում պատերազմի վերաբերյալ Ռուսաստանի վերջին դիրքորոշման, Կովկասում խաղաղության գործընթացի, ինչպես նաև Պաղեստինի և Գազայի խնդիրների վերաբերյալ հարցերը: Ֆիդանը շեշտել է, որ Սև ծովը, Հարավային Կովկասը, Կենտրոնական Ասիան, Մերձավոր Արևելքն ու Աֆրիկան ​​առանցքային տարածաշրջաններ են Անկարայի համար, որտեղ իր պետությունն իրականացնում է արդյունավետ արտաքին, տնտեսական և անվտանգության քաղաքականություն։