Եվգենի Պոդդուբնին վիրավորումից հետո առաջին անգամ խոսել է իր վիճակի մասին
Լրագրող, ռազմական թղթակից Եվգենի Պոդդուբնին, ով վիրավորվել է Կուրսկի շրջանում, պատմել է իր վիճակի մասին։
«Ամեն ինչ լավ է լինելու, հրաշալի բժիշկները, ընդհանուր առմամբ, իրենց աշխատանքը կատարում են գերազանց։ Շնորհակալ եմ, որ անհանգստանում եք ինձ համար, ես միշտ անհանգստանում եմ նաև ձեզ համար: Մենք անպայման հաղթելու ենք, հաղթանակը մերն է լինելու, ամեն ինչ լավ է», – ասել է Պոդդուբնին։
Ռուսաստանի պետական հեռուստառադիոընկերության ռազմական թղթակիցը վիրավորվել է օգոստոսի 7-ին Կուրսկի շրջանում անօդաչու թռչող սարքի հարձակման հետևանքով: Նրան տեղափոխել են տեղի մարզային հիվանդանոց։ Հաղորդվում է, որ նա այրվածքներ է ստացել։
