Կիլիան Մբապպեն ֆրանսիական ֆուտբոլային ակումբ է գնել
Ինչպես հաղորդում Է Le Parisien -ը, Մբապեի ընտանիքին պատկանող Interconnected Ventures ընկերությունը գնել է «Կան» - ի բաժնետոմսերի մեծ մասը` 20 մլն եվրոյով: Մբապպեն դարձել է ֆրանսիական ակումբի համասեփականատեր Պիեռ-Անտուան Կապտոնի հետ, որը վերահսկիչ խորհրդի նախագահն է և տնօրինում է մնացած կապիտալի մյուս մասը: Մբապպեն մտադիր է նաև գնել «Կան»-ի պարտքերի մի մասը:
Նախորդ չորս տարիներին «Կան» ակումբի հիմնական բաժնետերը Oaktree Capital-ն էր, որն էլ վաճառել է իր բաժնետոմսերը։
Նշվում է, որ 25-ամյա հարձակվողն այժմ պրոֆեսիոնալ ֆուտբոլային թիմի ամենաերիտասարդ սեփականատերերից մեկն է:
