Սուարեսը պատասխանել է Մեսսիի առողջական վիճակի մասին հարցին
«Ինտեր Մայամիի» ուրուգվայցի հարձակվող Լուիս Սուարեսը պատասխանել է իր թիմակցի՝ արգենտինացի հարձակվող Լիոնել Մեսսիի վնասվածքի մասին հարցին։
«Բոլորը գիտեն, թե որքան նվիրված է Լեոն այս ակումբին, իր ազգային թիմին և խաղադաշտում լինելու իր ցանկությանը: Նա ամեն օր ավելի է մոտենում խաղադաշտ վերադառնալուն, որտեղ մենք բոլորս ցանկանում ենք տեսնել նրան»,- Սուարեսի խոսքերն է մեջբերում Goal-ը։
Հիշեցնենք, որ 37-ամյա խաղացողը կոճի վնասվածք էր ստացել հուլիսի 15-ին Կոլումբիայի հավաքականի դեմ Կոպա Ամերիկայի եզրափակիչում (1:0) և փոխարինվել հանդիպման 64-րդ րոպեին։ Այժմ ֆուտբոլիստը շարունակում է ապաքինվել վնասվածքից։
Մեսսին «Ինտեր Մայամիում» է հանդես գալիս 2023 թվականից։ Ֆուտբոլիստի գործող պայմանագրի ժամկետը ակումբի հետ նախատեսված է մինչև 2025 թվականը։
