Այսօր Փարիզում կմեկնարկի ամառային 33-րդ օլիմպիական խաղերը

Այսօր Փարիզում մեկնարկում են ամառային 33-րդ օլիմպիական խաղերը: Դրանք կտևեն մինչև օգոստոսի 11-ը։ Խաղերին կմասնակցի ավելի քան 10 հազար մարզիկ՝ 206 ազգային հավաքականից, ինչպես նաև չեզոք կարգավիճակով մարզիկներ Ռուսաստանից և Բելառուսից:

Ֆրանսիայի մայրաքաղաքը երրորդ անգամ է հյուրընկալում ամառային օլիմպիական խաղերը: Մրցումների անցկացման համար ներգրավված է 35 մարզական օբյեկտ, խաղարկվելու է 329 մրցանակ՝ 32 մարզաձևում:

Փարիզի օլիմպիական խաղերն արդեն ռեկորդ են սահմանել․ վաճառվել է 8,6 միլիոն տոմս, ինչը ամենաբարձր ցուցանիշն է օլիմպիական խաղերի ողջ պատմության ընթացքում: