Գազայի փլատակների մաքրման համար կպահանջվի 10 տարի. Բորել
Գազայի հատվածում հումանիտար աղետն աննախադեպ չափերի է հասել, ավելի քան 40 հազար մարդ է զոհվել, իսկ այնտեղ փլատակների մաքրման համար կպահանջվի 10 տարի։ Այս մասին ԵՄ արտաքին քաղաքական գերատեսչության ղեկավար Ժոզեպ Բորելը լրագրողներին հայտնել է ԵՄ ԱԳ նախարարների հանդիպմանը ժամանելուն պես։
«Գազայում մենք տեսնում ենք աննախադեպ չափերի տեխնածին հումանիտար աղետ, 70 հազար երեխա որբ է մնացել, ավելի քան 40 հազար մարդ մահացել է, մինչդեռ Գազայի վերականգնման համար 10 տարի կպահանջվի միայն փլատակների մաքրման համար», - ասել է Բորելը:
