Գազայում զոհերի թիվը հասել է գրեթե 39 հազարի
Գազայի հատվածում 2023 թվականի հոկտեմբերից ռազմական գործողություն իրականացնող իսրայելական բանակի գործողությունների զոհերի թիվը մոտեցել է 39 հազարի։ Նման տվյալներ է ներկայացրել Պաղեստինի առողջապահության նախարարությունը։
Ըստ գերատեսչության՝ «իսրայելական զորքերի մշտական ռմբակոծությունների և հրետակոծությունների հետևանքով զոհվել է 38983 պաղեստինցի։ Նույն ժամանակահատվածում վիրավորում է ստացել 89 727 մարդ»։
Միայն վերջին 24 ժամվա ընթացքում 64 մարդ է զոհվել, 105-ը՝ վիրավորվել Գազայի տարբեր հատվածներում իսրայելական ուժերի հարձակումների հետևանքով:
