«Դժոխային վտանգավոր». Լեհաստանում Ուկրաինային նախազգուշացրել են լուրջ սպառնալիքի մասին

Ռուսական ՄիԳ-31ԲՄ ինքնաթիռները գլխավոր սպառնալիքը կլինեն Ուկրաինայում արևմտյան Ֆ-16 կործանիչների համար, գրում է լեհական Komputer Swiat պարբերականը:

«Ուկրաինայում F-16 ինքնաթիռների դեբյուտը մի քանի շաբաթվա հարց է, և, որոշ փորձագետների կարծիքով, նրանց ամենասարսափելի հակառակորդը կլինի հենց ՄիԳ - 31-ը, որը հագեցած է դժոխային վտանգավոր R-37 հրթիռներով», - ասվում է նյութում:

Լրագրողը նշել է, որ ռուս զինվորականները ՄիԳ- 31ԲՄ ինքնաթիռների նոր խմբաքանակ են ստացել։ Նա նախազգուշացրել է, որ արևմտյան ինքնաթիռը արկերի հեռահարությամբ զիջելու է ռուսականին, նույնիսկ եթե F-16-ները հագեցած լինեն AIM-120 հրթիռով:

«Առաջիկա ամիսները ցույց կտան, թե արդյոք մենք օդային մարտեր կտեսնենք Ուկրաինայի երկնքում, և ով հաղթող դուրս կգա դրանցից», - եզրափակեց սյունակագիրը:

Նախորդ տարի Նիդեռլանդներն ու Դանիան համաձայնել են Ուկրաինայի զինված ուժերին տրամադրել F-16 կործանիչներ։ Անցյալ շաբաթ ԱՄՆ պետքարտուղար Էնթոնի Բլինքենը հայտարարել էր, որ նահանգներն ու դաշնակիցները «հենց հիմա» կործանիչներ են ուղարկում Ուկրաինային, որոնք Կիևին կհասնեն այս ամառ: