Ռուսաստանում մի քանի միլիոն մարդ մնացել է առանց էլեկտրականության

Ռուսաստանի հարավի միլիոնավոր բնակիչներ բողոքում են էլեկտրականության զանգվածային անջատումներից. մասամբ առանց լույսի են մնացել Մարդիկ Նովոռոսիյսկում, Արմավիրում, Անապայում, Գելենջիկում, Տագանրոգում, Բատայսկում, Դոնի Ռոստովում, ինչպես նաեւ Կուբանի եւ Կրասնոդարի որոշ գյուղական շրջաններում: Էլեկտրականությունն նաև անջատվել է Ղրիմում և Սևաստոպոլում, այնտեղ մտցվել է էլեկտրաէներգիայի ժամանակավոր մատակարարման ժամանակացույց։ Անջատումների պատճառը Ռոստովի ԱԷԿ-ի գեներացնող սարքավորումների աշխատանքի խափանումն է, որի մասին հայտնել են ՌԴ Էներգետիկայի նախարարությունում: Այս կապակցությամբ Ռուսաստանի հարավում էլեկտրաէներգիայի սպառման սահմանափակումներ են մտցվել 1,5 ԳՎտ-ով։

«Ռոսատոմում» նաեւ մեկնաբանել են իրավիճակը եւ հայտարարել, որ Ռոստովի ԱԷԿ-ի էներգաբլոկներից մեկն անջատվել է տուրբոգեներատորի անսարքությունների պատճառով, թե որքան կտեւի էլեկտրաէներգիայի սպառման սահմանափակումը եւ երբ լույս կլինի, դեռ պարզ չէ։ Ընթանում են վերականգնողական աշխատանքներ։