Վթար՝ Երևանում․ բախվել են «Mercedes»-ը և քարշակը, վիրավnր կա

Այսօր՝ հուլիսի 11-ին, ավտովթար է տեղի ունեցել Երևանում։ Ժամը 00։20-ի սահմաններում Լենինգրադյան փողոցից դեպի Շինարարների փողոցի հատման վայրում բախվել են Երևանի բնակիչ 21-ամյա էրիկ Թանդիլյանի վարած «Mercedes» մակնիշի և Տավուշի մարզի բնակիչ 32-ամյա Շավարշ Խաչատրյանի վարած ավտոքարշակը։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասավածքներով տեղափոխվել է հիվանդանոց։

Վիրավորին առաջինը օգնության են հասել քաղաքացիներն ու օպերատիվորեն ժամանած շտապօգնության բժիշկների հերթապահ խումբը։

Վարորդները տեղում ենթարկվել են սթափության փորձաքննության, եղել են սթափ։