Հենց որ Սիրիայի նախագահը հայտարարի Թուրքիայի հետ հարաբերությունները կարգավորելու պատրաստակամության մասին, Անկարայում ընդառաջ քայլ կանեն։ Դրան կարող է օգնել Ռուսաստանը, հայտարարել Է Թուրքիայի նախագահ Ռեջեփ Թայիփ Էրդողանը՝ մեկնաբանելով Թուրքիայի տարածքում նման բանակցություններ անցկացնելու ՌԴ նախագահ Վլադիմիր Պուտինի առաջարկը:

«Հիմա մենք այնպիսի փուլում ենք, որ հենց Բաշար Ասադը քայլ անի Թուրքիայի հետ հարաբերությունների բարելավման ուղղությամբ, մենք նույն կերպ կվարվենք ։ Քանի որ նախկինում մենք Սիրիայի հետ թշնամիներ չենք եղել, մենք Ասադի հետ հանդիպել ենք որպես ընտանիք։ Մենք կարող ենք ցանկացած պահի ուղարկել մեր հրավերը: Հուսով ենք, որ դրա շնորհիվ մենք կկարողանանք թուրք-սիրիական հարաբերությունները հասցնել նույն մակարդակի, ինչ նախկինում։ Պուտինը Թուրքիայում հանդիպում անցկացնելու տեսակետներ ունի։ Իրաքի վարչապետը նույնպես իր մոտեցումներն ունի այս հարցում։ Մենք միշտ խոսում ենք միջնորդության մասին, բայց ինչու միջնորդ չեն կարող լինել մեր իսկ հարևանները»,- Էրդողանի խոսքը մեջբերում է Anadolu գործակալությունը։