Էրդողանը՝ թուրք ֆուտբոլիստի որակազրկման մասին

Թուրքիայի նախագահ Ռեջեփ Թայիփ Էրդողանը մեկնաբանել է ազգային թիմի պաշտպան Մերիխ Դեմիրալի որակազրկումը 2024 թվականի Եվրոպայի առաջնությունում ազգայնականների ցուցադրած ժեստի համար: Նրա խոսքը մեջբերում է Anadolu-ն։ Տեղեկատվությունը փոխանցում է Lenta.ru-ն:

Էրդողանը ողջ թուրք ազգի համար պատիժ է անվանել եվրոպական ֆուտբոլային ասոցիացիաների միության (ՈւԵՖԱ) որոշումը:

«Արեւմուտքի մոտեցումը դեպի մեզ մտածելակերպի տեսանկյունից չի փոխվել, նրա տրամադրությունները նույնն են», - հավելել է նա:

Ավելի վաղ հայտնի էր դարձել, որ ՈՒԵՖԱ-ն որոշում է կայացրել Դեմիրալին որակազրկել 2 խաղով՝ «Գորշ գայլեր»-ի ժեստը ցույց տալու համար: